Familia agurgarriak: Azken asteetan zehar, LH6ko ikasleek euskal musikarekin dantza ezberdinak asmatu dituzte Gorputz Hezkuntzako dantza unitatean. Duela egun batzuk emanaldi txikitxo bat egin genuen eta egileen gurasoek Driven ikusi dezakezue emanaldi osoa. Dantza itzelak sortu dituzte. Aupa zuek!!
Zuen seme-alabak frogaren (azterketa, lana…) edo gertakariren bat duen Alexian ikusteko, honako urrats hauek jarraitu ditzakezue: Alexia aplikazioa ireki eta Agenda atalean sartu. Froga edo gertakariren bat badago egun horretan puntu bat agertuko da. Egun horretan klik eginez gero dagokion infomazioa agertuko da.
“Liburu erraldoia” Haur Literatura Aretoan parte hartu dugun ikastetxe guztietatik pasatu da eta Andramari Zornotzako Ikastolako ikasleok ere, nola ez, gure ekarpena egin dugu. Aurtengo gaia “Itsasoa” izan da, horregatik, gai honekin zerikusia duten askotariko adierazpenak ikusi ahal izango dituzue bertan. Datorren astearen amaiera arte izango duzue berori bisitatu ahal izateko aukera. Zuen gustukoa izatea espero dugu!!!
ANDRAMARI ZORNOTZAKO IKASTOLAKO IKASLEAK INTERNET ABERASTEN Bi aste hauetan zehar gure ikastolako DBH2ko ikasleak interneteko “Txikipedia” entziklopediarako artikuluak idazten aritu dira, Euskal Herriko Ikastolen Elkarteko dinamizatzaile batek lagunduta. Emakume aktoreak gai bezala hartuz, artikuluak idatzi eta argitaratzeko jarraibideak eman dizkie gure dinamizatzaileak ikasleei. Ekimen horren bidez, Andramari Ikastolaren bi helburu uztartzeko aukera dugu: alde batetik interneten Euskararen presentzia areagotzea,…
Haur Literatura Aretoa programaren barruan orotariko ekintzak antolatzen ditu urtero Berbaro Elkarteak. Hain zuzen, Liburu Erraldoia da horietako bat. Liburu Erraldoia ikastetxez ikastetxe ibiltzen den liburua da, ikasleek hitz edo marrazki bitartez nahi duten ipuin, abesti, bertso etabar sortzeko. Aurtengo gaia “Itsasoa” izan da eta gure ikastolako LH 5 eta 6ko ikasleek ere egin dute euren ekarpena. Eskerrik asko parte…
DBH 4ko ikasleek erlaxatzeko masaje bat nola ematen den ikasi dute Gorputz Hezkuntzako azken saioetan. Musika lasaia jarri, gela ilundu eta egoera erlaxagarria sortu dute azterketen ostean gorputza eta burmuina eraberritzeko. Oporretan joateko lasai daude, beraz!
Lehenengo ebaluazioari bukaera emateko, DBH2ko ikasleek eskultura eta maketak aurkeztu dituzte Plastika arloan. Ebaluazioan zehar, artista batzuen lanak aztertu, informazioa bilatu, zirriborroak marraztu eta nork bere interpretazioa egin du. Aurreko lanetan oinarritutako eskultura egitea izan da azken proiektua. Hona hemen adibide batzuk: “Andy Warholen lanetan oinarrituta” Paul Klee- ren “SEL” lanean oinarrituta….
Iritsi dira Gabonak! Lehen hiruhilekoa amaitu da eta ohi bezala, proiektuekin eman zaie amaiera unitateei. LH 6ko ikasleek Gabonen inguruko ohituren ikerketa egin dute eta ondorioak horma-irudietan jaso dituzte. Ikastolako sarreran daude ikusgai bertara hurbildu nahi duzuenontzat.
Iritsi dira Gabonak! Lehen hiruhilekoa amaitu da eta ohi bezala, proiektuekin eman zaie amaiera unitateei. LH 5ekoek, aitona-amonentzako emanaldia prestatu dute hiruhilekoan zehar ikasitako guztiarekin. Oso pozik gaude emanaldiak izan duen arrakastarekin.
