HAZIA

LURRASKAN HH 5 urtekook gaur bertan iritsi gara Lurraskara. Lehen orduak ezin hobeak izaten ari dira eta oraindik ekintza gehiago (erroskilen tailerra, baratzera bisita, diskofesta…) ditugu aurretik. Bihar etxera itzuli beharko garenez, esperientziaz gozatzen jarraituko dugu.

EUSKAL MITOLOGIA Ekainean, urte biko haurrek Euskal Herriko pertsonaia mitologikoen gaia landuko dute, eta Anbotoko Mari izan da ezagutu duten lehenengoa. Hari buruzko ipuna entzun eta Mariren kobazuloa egin dute.

IGERIKETA IKASTAROA HH 5 urtekoak topera aritu dira bi aste hauetan igeriketa ikastaroan. Esperientzia ezin hobea izan da beraientzat, eta igerilekuko begiraleek zein guk, tutoreok, balorazioa positiboa egin dugu.  Ikastaroko argazkiak ikusgai dituzue Driveko karpetan.

MOZORROEN KUTXA Urte bateko haurrek mozorroen kutxa atera eta bertan aurkitu dituzten ileorde, jantzi, kapa, kapelak… janzten igaro dute goiz partea. Une gogoangarria izan da haientzat.

OIHANEKO ANIMALIAK HH 4 urteko ikasleok Oihaneko animalien gaia lantzen ari gara eta horretarako, gelan oihan bat egitea pentsatu dugu (animalia eta guzti). Horrez gain, animalia ezberdinen kareta prestatzen aritu gara antzerki polit bat egiteko.

ESPAGETIEKIN JOLASEAN! Haurtzaindegiko umeek goiz dibertigarria igaro dute espageti egosiekin. Hasieran, espagetiak ikusi dituztenean, jolasean hastea kostatu zaie baina arin hartu diote martxa. Batzuek dastatu ere egin dituzte eta beste batzuek, tripa bapo bete ere bai!

ZETA-HARRAK Oraingo honetan gelakide berriak ditugula kontatzera gatoz. Ikastolako guraso batek opari polit bat egin digu eta zeta-harrez betetako kutxatxo bat ekarri digu, horrela, beraien bizi zikloa behatu ahal dugu eta prozesuan lagundu. Dakizuenez, zeta-harrek aaaskoooo jaten dute. Potolotu eta handitu daitezen, hostoak behar izango ditugu. Zelaieta parkean ditugun masustondo (morera) hostoak ekartzea eskertuko genizueke, horrela denon parte hartzea ziurtatuko...

ESPERIMENTAZIOA Udaberriko gaia bukatzeko, esperimentu bat egitea pentsatu dugu; babarrun-hazi magikoaren ipuinarekin erlazionatutakoa, hain zuzen ere. Esperimentua aurrera eramateko behar izan dugun materiala ondorengoa izan da: Kristalezko potea Indabak Kotoia Egun batzuetan zehar ureztatu ondoren, babarrun landareak hazten hasi dira. Etxera eramateko garaia heldu da eta bertan zaintzen jarraitzea baino ez da gelditzen.