Skip to main content

DBH3ko ikasleek Biologia-Geologia ikasgaiaren azken unitatean ekosistema motak landuko ditugula kontuan izanik, Urdaibaiko bihotzean dagoen Busturia herriko “Ekoetxera” Ingurumenaren Interpretazio Zentrua bisitatu dugu aste honetan. Bertan, testuliburuetan agertzen diren zenbait eduki eta kontzeptu bertatik bertara esperimentatzeko aukera izan dugu. Oinez egindako ibilbide labur batean ekosistemak behatu eta bertako ibaiko uraren kalitatea neurtzeko eta aztertzeko  laginak hartu ditugu. Horrez gain, Madariaga Dorretxean kokaturiko Ekoetxean biodibertsitateak duen garrantziaz aritu gara.