ELIRALE DANTZA-KONPAINIA
Ipar Euskal Herriko ELIRALE dantza konpainiako hainbat kide izan ditugu aste honetan gure ikastolan, ikasleekin tailer aktibo eta ludikoak lantzen.
LH 1, 2 eta 3. mailako ikasleentzat bideratutako egitasmoa izan da, eta biziki gozatu dute guztiek, gure txikienek zein dantzari profesionalek eurek ere. Antzerkigintza eta dantzagintza uztartuz, mundu fantastiko baten murgiltzeko parada izan dugu eta oso aberasgarrria izan da guztiontzat.
Konpainia hau, aste guztian zehar hurrengo otsailean estreinatuko duten “Mamuka” obraren prestaketa lanetan arituko dira Zornotza aretoan. Prestaketa-lan horietara joateko aukera ere eskeintzen diete zornotzar guztiei, bihar, ostiralean, goizeko 10:30tan.
Zornotzako Udalaren eta Markeliñe antzerki taldearen laguntzari esker atera ahal izan da hau guztia aurrera.
