FAIR SATURDAY 2023
2014. urtean, “Fair Saturday” izeneko egitasmoa jaio zen Bilbon, “Black friday” izeneko egun entzutetsuak bultzatzen duen konsumismoaren kontra egiteko asmoz. Helburua: gizarte-esparruan aritzen diren erakundeei ahotsa ematea eta beraientzako dirua biltzea. Egitasmo horren baitan, orotariko artistak igo ziren oholtza gainera, beren lanak aurkeztu eta, kontzertua nahiz ekitaldia amaitutakoan, jasotako dirua helburu horretara bideratzeko.
Gaur egun, Bilbon jaiotako egitasmo hori kontinente guztietako herrialde ugaritako 154 hiritara zabalduta dago.
Aurten, ekitaldiari hasiera emateko kontzertua Bilbon egingo da azaroaren 24an (ostirala da). Bertan bilduko dira Bilboko Udal Banda eta hainbat musikari ezagun (Maren, Bulego, Afrika Bibang, El Langui eta Pirata Piratobich besteak beste).
Talde eta abeslari ezagunekin batera Bizkai osoko ume eta helduek osatutako abesbatza erraldoi baten kantaldia eskainiko da, eta antolatzaileek, berriz, bertan parte hartzeko gonbidapena luzatu digute guri, Andramari Zornotzako Ikastolari. Zehatzago, ikastolako LH5, 6 eta DBH1, 2, 3 eta 4ko ikasle guztiek eta beraien gurasoek hartu ahal izango dute parte..
- Entsaioak ikastolan 16:45etik 17:45era
Azaroak 2 (osteguna), 7 (asteartea) eta 13 (astelehena)
- Entsaioa Bilbon (ikastolak ikasleentzako autobusa antolatuko du)
Azaroak 22 eta 23, arratsaldeko 19:00etatik 21:00etara Bilbao Arenan (ordutegia zehazteko dago oraindik). Autobusa 18:00etan irtengo da Zornotzatik eta entsaioa bukatutakoan itzuliko da.
- Kontzertua (ikastolak autobusa jarriko du ikasleentzat: autobusa 18:00etan irtengo da Zornotzatik eta emanaldia bukatutakoan itzuliko da)
Bilbao Arenan, azaroaren 25ean, 20:00etatik 22:00etara
Parte hartzeko ezinbestekoa izango da entsaio GUZTIETARA etortzea.
Aurtengoan ikasleekin batera gurasoek ere parte hartzea bultzatu nahi dugu. Zuen seme-alabek eta zuek parte hartzea nahi baduzue, egin klik hemen (ikasle eta guraso bakoitzeko galdetegi bat bete). Epea: irailaren 14tik 22ra
Fair Saturday ezagutzeko egin klik hemen
Gurasoentzako batzar informatiboa irailaren 19an, asteartea, arratsaldeko 18:00etan izango da. Bileran presentzialki zein online parte hartu ahal izango da eta gehienez ordu erdiko iraupena izango du. Online parte hartu nahi dutenek, lotura honetan sartu beharko dute.
