2024-2025 EKE ETA JANTOKIAN ALTA
Aurreko urteetan bezala, 2024-25 ikasturtean ere, Alexia bidez egingo da jantokian eta eskolaz kanpoko ekintzetan izena emateko prozedura.
Prozedura hori argitze aldera, bideo bat prestatu dugu izena emateko jarraibideekin.
IZEN-EMATEAK: ekainaren 7tik 16ra.
KONTUAN EDUKI BEHARREKOA:
> JANTOKIAN IZENA EMATEKO:
- Aurrerantzean, ikasturte osorako eman beharko da izena. Alegia, kuota osoa ordaindu beharko da, irailetik ekainera, biak barne (ezin da bajarik eman).
- Inork egun solteetan soilik etortzeko hautua egiten badu, hamar bonoko txartelak egongo dira salgai idazkaritzan, 60 euroan.
- Ikasleak jantokira egun batzuetan jarraian huts egiten badu (eskola-egunak izanik), laugarren egunetik aurrera hasiko da dirua itzultzen, 1,60€ eguneko.
- Ikasleak alergiaren bat badu, zeliakoa bada edo bestelako gorabeheraren bat badauka, medikuaren txosten zehaztua aurkeztu beharko du idazkaritzan.
> ESKOLAZ KANPOKO EKINTZETAN IZENA EMATEKO:
- Taldeak osatzeko gutxieneko kopurua behar izango da ekintza guztietan.
- 40€-ko matrikula ordainduko da jarduera guztietan, Lynx-enean izan ezik, 35€-koa izango baita.
- Behin matrikula eginda, ekintza hasi baino lehenago baja emanez gero, % 50 itzuliko da. Ekintza hasita badago, ez da dirurik itzuliko. Baja ikastolak egindako aldaketen ondorioz bada, % 100 itzuliko da.
- Behin ekintza hasita, ikasturte osoa ordaindu beharko da.
- Ekintzetako batzuk astean bi egunetan izaten dira; alabaina, zuetako batzuek seme-alaba astean behin bakarrik bidali ohi duzue. Jakin ezazue, astean baten bakarrik etorri arren, kuota osoa ordaindu beharko dela.
- Matrikula eta hileko kuotak ikastolatik pasatuko dira, matrikula ekainean eta kuotak, urritik maiatzera.
- Eskaintza behin-behinekoa da. Osatzen diren taldeen arabera, aldaketaren bat izan dezake.
- HH4–LH6 Lynx-eko ekintza ekainaren erdialdera arte luzatuko da, guztira 9 kuota izango dira (36€). Azaroan 25€ kobratuko da materialagatik.
- DBH1–DBH4 Lynx-eko ekintza mistoa izango da (saio bat ikastolan (asteazkenetan) eta saio bat online (ostiraletan) ekainaren erdialdera arte luzatuko da), kuota 62€. Azaroan 25€ kobratuko da materialagatik.
- Kirolari dagokionez, asteburuetako lehiaketa eta partiduetan parte hartzea ezinbestekoa da, baita EKIPAZIOA ETA IKASTOLAKO KIROL-JERTSEA JANTZITA eramatea ere.
- Entrenamenduetan gurasoak ezin izango dira kirol instalazioetan egon.
- Ekintza guztiak urrian hasi eta maiatzean amaituko dira (ingelesa -Lynx- izan ezik).
- Ekintza batean ume asko badaude, aurreko ikasturtean ekintza berdinean ibilitakoek lekua ziurtatuta edukiko dute; berriak, aldiz, zozketan bitartez aukeratuko dira.
- Kirol arduradunarekin hitz egiteko ordutegia:
- Jardunaldi trinkoan: ekainean eta irailean 09:00etatik 11:00etara.
- Jardunaldi osoan: 15:30etik 17:30era.
Jarraian, eskolaz kanpoko jardueren gida bat aurkezten dizuegu.
