AUTOBUS ZERBITZUA
Ikastolak eskaintzen dituen zerbitzuen artean autobusean joan-etorriak egiteko aukera dago. Gaur egun Igorre, Lemoa eta Zornotzan ditu geltokiak autobusak eta goizean (ikastolara etortzeko) zein arratsaldean (ikastolatik etxera bueltatzeko) ibilbidea egiten du. Urtez urte gorabeherak izan ditu erabiltzaile aldetik zerbitzu honek eta, jakina denez, azken urteetan erabiltzaile kopurua apaldu egin da.
Familia bakoitzeko beharrak ezberdinak direla aintzat hartuta eta ahalik eta zerbitzu egokiena eskaintzeko helburuarekin, datorren ikasturterako erabilera-aukerak zabaltzeko aukera aztertzen ari gara. Gaur egun erabiltzaileek joan-etorriak egiteko ematen dute izena autobusean. Aztertu nahi genuke, ea ibilbideetako bat bakarrik behar duten familiak egonez gero, erabiltzaile kopurua handitu daitekeen. Horregatik galdetegi hau proposatu nahi dizuegu, eskaintza zabaltzeak zer ondorio izan ditzakeen neurtu ahal izateko.
Galdetegia autobus zerbitzua erabiltzeko asmoa duzuenok bakarrik bete beharko duzue eta kontuan hartu, galdeketa hau kontsulta hutsa dela, ez dela izen-emate bat. Datorren urterako eskaintza, beti bezala, ikasturte honen bukaeran zabalduko dugu, prezioak zehaztuta. Hala ere, guretzat garrantzitsua da aurreikuspenak egiteko zuen asmoen berri izatea.
