IBAIZABALEKO ORDEZKARIEN IKASTOLAREN BISITA
Otsailaren 20an, osteguna, 18:00etan aurkezpen-hitzaldia ikastolako liburutegian.
Datorren asteartean, hilak 20, Ibaizabal Ikastolako ordezkariak Andramarira etorriko zaizkigu bisitan, DBH4ko gurasoei ikastetxe horren eskaintza akademikoaren berri ematera, izan ere, DBH4ko ikasleek datorren ikasturtean zer ibilbide egingo duten erabakitzeko garaia dute. Behin gure ikastolako zikloa amaituta, Ibaizabaleko ordezkarien ikuspuntua lagungarri suerta dakiekeela uste dugu.
Ibaizabal Ikastolak batxilergoa eta Lanbide Heziketako zikloak eskaintzen ditu eta Andramari Zornotzako Ikastolako jarraipen naturaltzat har dezakegu. Hala da zeren eta gure ikastola zein Ibaizabal, biak ala biak Ikastolen Elkartearen baitan daude eta, are gehiago, gure ikastolak zuzeneko partaidetza izan zuen Ibaizabalen sorreran, gure ikasleei jarraipen akademikoa ziurtatzeko asmoz.
Hori horrela, DBH4ko guraso guztiok gonbidatuta zaudete otsailaren 20an, osteguna, 18:00etan ikastolako liburutegian izango den aurkezpen-hitzaldira. Ziur gaude informazio interesgarria jasoko dutela.
