🏫 DBH4KO IKASLEAK ETA IBAIZABAL IKASTOLA
Gaurkoan, martxoaren 5ean, Ibaizabal Ikastolako ordezkarien bisita jasoko dugu ikastolan, ikasleei nahiz gurasoei bertako hezkuntza-eskaintzaren berri emateko. Martxoaren 12an, berriz, bisita itzuliko diegu. 🔄
- 🗓️ Gaur, hilak 5: DBH4ko ikasleek tutoretza-saioan informazioa jaso, eta datorren ikasturtean Batxilergoan aurki dezaketenaren berri izango dute ordezkarien eskutik.
- 👥 Gaur, 17:30ean: Ikasleen familiak ikastolako liburutegian bilduko ditugu, informazioa jasotzeko eta zalantzak argitzeko.
- 🚌 Martxoaren 12an: Ikasleek Ibaizabalera txangoa egingo dute ikastola bertako programa ezagutzeko, beste ikastola batzuetako ikasleekin batera. Joan-etorria autobusez egingo dute, ikastolatik abiatuta.
Ibaizabal Ikastola Ikastolen Elkarteko kidea da, eta inguruko bost ikastolek sortutako proiektu bateratua izan zen. Andramari Zornotzako Ikastola partaide horietako bat izan zen eta, beraz, gure hezkuntza-ibilbidearen jarraipen naturala dela esan genezake. ✨
Ikasleen bisitaz gain, familiek ere baduzue ikastola ezagutzeko aukera ate irekien jardunaldietan. Informazio guztia esteka honetan duzue:
