Eguen Zuri eta Inauteriak 2026

Otsailean, urtero bezala, hainbeste ohituren jarraipena bermatuko dugu ikastolan. Gure ikasleek ekintza desberdinetaz gozatu ahal izango dute:

Datorren asteko ostegunean, OTSAILAREN 12an, Eguen Zuri eguna ospatuko dugu ikastolan

› HH 3-4-5 urtekoak eta LH 1, 2 eta 3. mailakoak kalera irtengo gara abestera. Ikasle guztiek baserritarrez jantzita etortzea gomendatzen dugu (zapi, kaiku, mendigoizale edota jantziarekin).

› LH 1, 2 eta 3. mailakoak makila ekar dezakete (makiletan izen-abizenak jarri).

› LH2B taldekoak ez dira igeritokira joango, beraz, goizean ikastolara bertaratu beharko dira.

› HH1 eta 2: geletan ospatuko dute.

› HH 3, 4 eta 5:  gelan ospatuko dute. Umeek ez dute EZER EKARRI BEHAR (ez makilarik, ez txorizorik eta ezta ogirik).

› LH1 eta 2: kalean banatuko zaie. Umeek ez dute EZER EKARRI BEHAR (ez makilarik, ez txorizorik eta ezta ogirik). 

› LH 3, 4, 5, 6: kalean ospatuko dute 14:40tik aurrera (euririk egiten ez badu). Bakoitzak bere ogia (irekita, txorizoa jateko prest), txorizoa eta makila ekarri beharko ditu. 

› DBHko ikasleek aurrekoek bezala jokatuko dute baina goizez hasita.

› Euria egiten badu, ikastolako frontoian egingo dugu ospakizuna.

Ostiralean, OTSAILAREN 13an, INAUTERI JAIA ospatuko dugu IKASTOLAN.

› HH 1-2 urte: hezitzaileek bertan egingo dituzte mozorroak.

→ Familia bakoitzak nahi duen kolorea aukertau baina ahal dela kamiseta eta praka/gona kolore berdinekoak izatea eskertuko genizueke (adibidez: kamiseta beltza / praka beltzak).

› HH 3 urtetik aurrera mozorroa librea izango da. 

› HH 3-4-5 goizean etxetik mozorrotuta etorri beharko dira eta, autonomia bermatzeko, erosoak izatea gomendatzen dizuegu.

› HH 3-4-5 egunerolez, 16:30ean irtengo dira beraien tutoreekin HHko sarreratik.

› HH eta LH 1 eta 2. mailako ikasleek, ostiralean (otsailaren 13an), ez dute motxilarik ekarri behar.

› LHko ikasleak goizetik mozorrotuta etorri ahal izango dira. Goizean mozorrotu ezean, arratsaldeko ekitaldiaren aurretik mozorroak janzteko aukera izango dute.

› LH 3 eta 4. mailako ikasleak, ostiralean (otsailak 13),  EZ dira igerilekura joango.

› DBH ko ikasleak: ezin dira mozorrotuta etorri. Arratsaldeko lehiaketarako azkeneko saioan aldatzeko aukera edukiko dute. Jantokira doazen ikasleak 14:00etan joango dira. Ondoren ekitaldian parte hartuko duten ikasleak soilik bertaratu ahal izango dira.

› Ostiral arratsaldean, otsailaren 13an, EZ da eskolaz kanpoko ekintzarik egongo.

› DBH4ko ikasleek hainbat ekintza antolatuko dituzte ospakizunaren inguruan ikasbidaiarako dirua lortzeko asmoz.

› Dakizuen bezala, 25/26 ikasturteko egutegiaren arabera otsailaren 16, 17 eta 18 JAIEGUNAK izango dira 3 urtetik gorako ikasleentzat. Haurtzaindegia zabalik egongo da.

›  IRAKASLEEN IKUSKIZUNA (frontoian).  

›  INAUTERIETAKO DANTZAK (frontoian). 

›  MOZORRO LEHIAKETA (SARI BANAKETA). 

Beti bezala, LH 3. mailatik aurrera mozorro lehiaketa egongo da, Ikasleen Euskara Batzordeak antolatuta. Hauek dira lehiaketako txapeldunak aukeratzeko irizpideak, besteak beste:

1. 1. Originaltasuna.
   2. Etxean egindako jantzia izatea.
   3. Berrerabilitako materialekin eginda egotea.

Ikasleen artean lau kategoria egongo dira: LH bakarkakoa, LH taldekakoa, DBH bakarkakoa eta DBH taldekakoa.

Aurten ere GURASOEN ARTEKO MOZORRO LEHIAKETA izango dugu.

›  TXOKOLATADA

• • HHkoek geletan egingo dute. 
  • LH 1. eta 2 mailakoek, geletan egingo dute. 
  • LH 3tik gorako ikasleek kanpoko patioan ateri bada eta barruko patio handian eta frontoian euria bada.
  • Familiak txokolate eta bizkotxoak jatera gonbidatuta zaudete, ikuskizuna amaitutakoan. Beste parte-hartzaileekin batera goiko patioan eguraldi ona bada, edo frontoian euria bada.
  • 16:20an ikastola barruko espazioak (erdiko patioa, pasilloak…) libre geratu beharko dira.