ZAINTZARAKO GUNEA
Aurreko azaroaren 20an, ikastolako familien artean elkartu ginen gai honen inguruan sakontzeko. Bertan, nerabeak laguntzeko beharrezko kontzeptuak aztertu genituen, bai guraso eta bai irakasle gisa:
- Nerabezaroan, identitatea eta nortasuna eraikitzen diren garaian, berdinen artean parte sentitzeko beharra funtsezkoa da. Batzuetan, helburu hori lortzeko, osasun-arriskuak ere onartzen dira (maitatua izateko eta taldean sartzeko beharra bultzatuta).
- Norberaren eta taldearen ongizatea zaintzeko, emozioen ipar-orratza entrenatu behar da. Galdera garrantzitsua:
“Zer da jolasa eta zer ez?”
Plazera eta espazio propioa galtzen ditugunean, ez gabiltza jolasean: autoexijentzia, konparaketa, zarata, zailtasunak, bakardadea, ezinegona, nekea…
Tresna ugari ditugu: familia, ikastola, kirola, artea, musika… baina askotan ez dugu denborarik edo indarrik horiek aztertzeko. Bizitzako aldaketek aukera paregabeak eskaintzen dizkigute indarrak eta baliabideak garatzeko.
Ikastolak eszenatokia eskaintzen digu: zailtasunetik indarra eta gure tresna-kutxa propioa eraikitzeko.
Ekimenean familiek, ikasleek, irakasleek eta profesionalek parte hartu dute, elkarrengandik hurbilago egoteko eta haurrek behar duten akonpainamendua eraikitzeko.
