ERRIGORA KANPAINA
Euskarari Puzka: 22 ekoizle eta Euskalgintza, bat eginda! Egin eskaera azaroak 13a baino lehen.
Errigora proiektu herrikoi eta arrakastatsuak “Euskarari Puzka” udazkeneko kanpaina jarri du abian beste urte batez, Nafarroa erdi eta hegoaldeko (Ager zonaldeko) euskalgintza eta bertako ekoizpena sustatzeko helburu bikoitzarekin. Euskal Herri osoko elkartasuna piztea eta auzolanaren bidez zonaldeko eragileei airea ematea da erronka nagusia.
Eragileen ezinbesteko lana
Nafarroa erdi eta hegoaldean lanean ari diren euskalgintzako eragileak (AEK, Sortzen, Ikastolak eta Agerraldia) ezinbestekoak dira euskararentzat. Euskarak zonaldean arnasa har dezan bertatik eta bertarako egiten dute lan. Zuhaitz bat balira bezala hizkuntza sustraitzeko lanetan ari dira, baina baita bertako euskaldunek arnasa har dezaten aire kutsatua garbi bilakatzen ere. Udaberriro-udaberriro loratzen dira, hizkuntza ez dadin zimeldu.
Zuhaitzak lanean jarrai dezan, ezinbestekoak garenak gainontzeko lurraldetako euskalzaleok gara. Haize eta euriaren kontra jarduten duten horiei goxotasuna eta maitasuna bidaltzeko aukera bat dugu Euskarari Puzka kanpaina. Asmo horretan auzolana tresna eta palanka, ezinbesteko elkartasun-keinua da Euskarari Puzka kanpaina, ekintza txiki asko batuta sortzen den handitasun horregatik.
Elkartasuna, Zenbakitan
Kanpainak hamaika urteren ondoren berresten du ikastolen, AEK euskaltegien, Sortzen eta Agerraldia bezalako eragileen jardunaren ezinbestekotasuna. Zuzeneko babesa jasotzen dute, besteak beste:
- 7 Ikastola Nafarroa erdi eta hegoaldean (Argia, Ibaialde, Erentzun eta Zangozakoa ekarpena jasotzen dutenak).
- AEK: 25 herritan ematen du euskaltegi zerbitzua helduen euskalduntzerako.
- Agerraldia, Sortzen eta beste hainbat proiektu aitzindari (D eredua Mendigorrian, Faltzeseko jolasteka…).
- Erosketaren %25 euskalgintzara bideratzen da zuzenean.
Errigoraren Saskiak: Elikadura Burujabetzaren eta Euskararen Bide
Elkartasun uholde hori gauzatzeko, kanpainak zonaldeko 22 ekoizletxeren produktuak biltzen ditu, 3 saski mota ezberdinetan (Beltza, Berdea eta Gorria).
Erosketa honen bitartez, funtsezko beste aspektu bat babesten da: bertako ekoizpena eta kontsumoa, hau da, Elikadura Burujabetza.
Parte Hartzeko Unea!
Euskal Herri osoko euskalzaleen elkartasun hori da Ager zonaldeko euskalgintzak aurrera-pausoak eman ditzan ezinbesteko oinarria. Eskatu zure saskia eta izan zu ere Euskarari Puzka ematen dion haize!
