ERA.EUS
Nafarroako toki-entitateetako 29 euskara zerbitzuk, elkarlanean eta indarrak batuz, sortu dute era.eus izeneko webgunea. Proiektu horren helburua euskaraz ikasten ari diren haurren gurasoei laguntza eta baliabideak eskaintzea da, haien seme-alaben ikas-prozesua aberastu eta osatu ahal izateko. Euskarak gizartean duen presentzia desorekatuak ondorio zuzenak ditu, eta horrek are gehiago azpimarratzen du, zein garrantzitsua den eskola barruko jakintzak eta gaitasunak ikastetxetik kanpo ere indartzea.
Proiektu horren bidez, euskararen aldeko etengabeko konpromisoa berritu da, belaunaldi berriek hizkuntzarekin duten harremana indartzeko eta, aldi berean, euskarazko komunitate sendo eta iraunkor bat eraikitzeko.
