FAMILIENTZAKO PROGRAMAK
Udalak ikasturte honetan ere eskaintza paregabea jarriko du zuen eskura. Hona hemen parte hartzeko aukera eskainiko duten programak:
📖 AZALERAKO IPUINAK
Irakurzaletasuna lantzeko gunea da, 0-2 urte bitarteko haurtxoentzat, guraso, hezitzaile, zaintzaile eta familiakoez lagundurik.
Abesti, ipuin, hitz joko, poema eta masajeen bidez literaturaren mundura hurbilduko dira.
👉 Zentzumen guztiak aktibatuz: entzumena, ikusmena, usaimena, dastamena eta ukimena.
- Norentzat: 0-2 urteko haurrak eta euren guraso edo/eta zaintzaileak (1+1)
- Non: Txikien liburutegian
- Izen-ematea: izenemateak.amorebieta-etxano.eus
🗣️ EUSKARA UMEENGANDIK GURASOENGANA TRANSMITITZEKO TAILERRAK
Heldu euskaldunak ez direnei euskara hurbiltzea eta seme-alabekin uneak partekatzea da helburua.
Umeen bidez, gurasoek eta senideek euskara ikasi, sentiberatu eta euskarazko harremanak sustatzeko aukera izango dute.
- Norentzat: 5-8 urteko umeak dituzten familientzat (LH1, LH2, LH3)
- Noiz: Hilean behin, 3. asteartean
- Non: Herriko ikastetxeetan (hilabete bakoitzean batean), guraso elkarteekin elkarlanean
📚 EUSKALTEGIKO ESKAINTZA
Euskaltegiak, ohiko eskaintzaz gain, gurasoentzako eta etorkinentzako ikastaro bereziak eskainiko ditu.
📅 Izena emateko aukera irailean izango da.
👉 Animatu eta parte hartu!
