Skip to main content
Gure ikasle eta ikasle ohiak, Eskolarteko Bertsolari Txapelketan nagusi!
Andramari kooperatibaBerriak

Gure ikasle eta ikasle ohiak, Eskolarteko Bertsolari Txapelketan nagusi!

By 2026/06/04No Comments

ESKOLARTEKO BERTSOLARI TXAPELKETA

Joan den asteburuan Bizkaiko Eskolarteko Bertsolari Txapelketako finalak jokatu ziren Aulestin, eta gure ikasleek zein ikasle ohiek presentzia handia eta oso arrakastatsua izan zuten!

Alde batetik, Ane Makazaga gure ikasleak idatzizko txapela jantzi zuen 🏆. Bestetik, bat-bateko final handian, maila eta saio ederra eskaini ziguten Naroa Iturriozek eta Maddi Aurtenetxek (gure ikasle ohiak eta egun Ibaizabal Ikastolan dabiltzanak), Bizkaiko gazte onenen artean daudela erakutsiz.

Guztira, gure ikastolako 23 ikaslek hartu zuten parte idatzizko finaletan, maila hauetan banatuta:

  • LH6: 7 ikasle
  • DBH1: 3 ikasle
  • DBH2: 7 ikasle
  • DBH3 – Batxilergoa: 6 ikasle

Zorionak denei! Egindako ahaleginak jaitsi du bere saria, eta argi dago gure artean bertsorako zaletasuna oso bizi dagoela. Plazera da zuek bide honetan ikustea! 

Iradi Barrenetxea da 2026ko Bizkaiko Eskolarteko txapelduna
Bizkaiko idatzizko eta bat-bateko txapelketak jokatu dira asteburuan Aulestin; barikuan eta zapatuan 200na gazte batu dira bertsoen inguruan.

 

2026ko Bizkaiko idatzizko 5. eta 6. mailetako Eskolarteko finalak jokatu dira gaur, Aulestin
200 gaztetxo inguru elkartu dira gaur Aulestiko frontoian. Bihar, ostera, DBH eta Batxilergoko idatzizko finalak eta bat-bateko finala jokatuko dira, 10:00etan hasita, Aulestin bertan.