"PANTAILAK EUSKARAZ"
Datorren martxoaren 12an, Korrika kulturalaren barruan, gurasoentzat oso interesgarria izango den hitzaldia egongo da Zelaietako auditoriumean, arratsaldeko 18:00etan.
“Pantailak euskaraz” ekimeneko ordezkariek eduki digitalak euskaraz kontsumitzearen garrantziaz hitz egingo dute, eta familiei euskarazko edukiak kontsumitzeko baliabideak eskainiko dizkiete. Hitzaldia euskaraz izango da, baina euskaratik gaztelaniarako interpretazio zerbitzua eskainiko da (Telegramen bidez), garrantzitsua delako etxeetan euskararik ez duten familiek ere dauden baliabideen berri izatea eta euskarazko edukiak hurbiltzea.
