ZORNOTZAKO EUSKAL JAIA 2023
Heldu da 2023ko Zornotzako Euskal Jaia! Azken egunetan ikastolan larunbateko hitzordurako dantzak prestatzen ibili gara. Mezu honekin ikastolako kide guztiak gonbidatu nahi zaituztegu 12.30ean egingo den “Ikastetxeak dantza ta kantuz” ekitaldian parte hartzera.
Andramari Zornotzako ikastolako kide guztiak batera joango gara ekitaldira. Horregatik ondoko hitzordua zehaztu dugu:
- Ordua: 12.15
- Lekua: Kalbario plaza
Aurreko buletinetan aipatu genizuen modura, ekitaldian euskal dantza eta kanta ezagunak dantzatuko eta abestuko ditugu. Ikasleek azken egunetan egindako entseguetan prestatu dituzte (argazkietan ikusgai dituzue HH 3, 4 eta 5 urteko ikasleek egindako saioak).
Euskal Jaiak egitarau zabala
Zornotzako Euskal Jaia bihar, ostirala, hasiko da baina. Biharko txupina, kalejira eta erromeriaren ondoren, larunbatean egun osoko egitarau zabala gozatu ahal izango da. Tartean izango dira herri bazkaria (txartelak aurrez erosi daitezke), bertso saioa, kantaldia eta Gontzal Mendibilek zuzendutako “Iparragirre omenduz” ekitaldia ere.
