Skip to main content
[Irteera] DBH4: Zientzia astea Bilbon
EKIAOharrak

[Irteera] DBH4: Zientzia astea Bilbon

By 2025/10/30No Comments

ZIENTZIA ASTEA

Datorren astean Zientzia Astea, Zientzia, Teknologia eta Berrikuntzaren astea ospatzen da Eukal Herriko Unibertsitatearen eskutik. Hori dela eta, datorren asteazkenean, azaroaren 5ean, DBHko 4.mailako Biologia-Geologia irakasgaiko ikasleak Bilboko Bizkaia aretora gerturatuko dira zientzia alorreko tailerrak egitera. Tailer horietan Euskal Herriko unibertsitatean egiten diren ikerketak eta esperimentuak ikusi eta ezagutuko ditugu. Ikertzaileekin hitz egiteko nahiz zalantzak argitzeko aukera izango dugu eta ondo pasatzeaz gain, seguru ikasle nahiz irakasleok asko ikasita bueltatuko garela.

Lekua: Bilboko Bizkaia aretoa
Ordua: 10:05 eko trena hartuko dugu Geralekuan eta buelta ere trenez egingo dugu. Beti bezala ikasleek ikastolara igo beharko dute, lehen klasea eman egingo baita, eta ostean trenera jaitsiko gara. Ikasleek ahaztu gabe ekar dezatela BARIK txartela.
Tailerrak: Lehenengo tailerra, “Txokoak”, 11:15ean hasiko da eta 90 minutuko iraupena izango du. Bigarren tailerra, “Lurrikarak eta Tsunamiak” izenekoa, 12:45ean hasiko da eta horrek ere 90 minutuko iraupena izango du.
Bazkaria: Ia goiz guztiko irteera denez eta ordutegi aldetik nahiko mugatuta ibiliko garenez, jantokian geratzen diren ikasleek ezin izango dute ikastolan jan. Ikasle horiei zuzenean piknika nahi duten edo ez galdetuko zaie eta aurreko egunean, azaroaren 4an, jasotzeko aukera izango dute.