JASANGARRITASUNERAKO HEZKUNTZAKO XXXI. TOPAKETA
Apirilaren 19an Jasangarritasunerako Hezkuntzako XXXI. Topaketak ospatu ziren EHUko Bilboko Hezkuntza Fakultatean. Aurtengo gaia, “Ikaslea protagonista: Hezkuntza ekosozial eraldatzailea martxan” izan da eta gure ikastolako DBH 4. mailako Unax Gonzalez ikasleari bertan egoteko gonbidapena luzatu zioten berarekin ikasturte hasieran Granadara joan ziren beste lau ikasleekin batera. Bost ikasleen artean, estatuko Konfint topaketan bizitako esperientzia partekatu zuten eta agerian utzi zuten ikasleei hitza emanez gero gizartea eraldatzeko pausu txikiak eman ditzaketela. Gainera, bertaratu ziren entzuleentzat (gehiengoa irakasleak) eredu izan ziren eta beraien ikastetxe eta herrietan burutzen diren ekimenak erakutsi zituzten.
