KiVa EGUNA
Aurten ere gure ikastolan KiVa egun polita ospatu genuen aurreko asteazkenean, urriak 30, argi eta garbi adierazteko gure komunitatean ez diogula jazarpenari aukerarik emango eta guztiok daukagula horren ardura.
Urteak eta urteak daramatzagu programa horren eskutik jazarpen egoerei aurre egiten, susmorik dagoenean erantzun irmoa emanez zein prebentzio lanean, horrelakorik gerta ez dadin.
Azken horiek azpimarratu nahi ditugu, beraiei esker gure ikasleen arteko elkarbizitza hobetzeko hamaika urrats eman baititugu, bide horretan jarraitzeko erabateko konbikzioa izanik.
Egunean zehar ikasle guztiek hartu zuten parte modu batean edo bestean: pegatinak margozten eta janzten, gaiarekin lotutako bideo laburrak ikusten, gela bakoitza egokitutako letra apaintzen, guztion artean esaldia sortuz, pregoia ematen eta bertsoak abesten, tatuajeak egin eta aurpegiak margotzen, KiVa-bingoa egiten, antzekotasunen galdetegia osatzen eta jolas kooperatiboak egiten.
Honekin, ikasturte honetako lanari merezi duen hasiera ekitaldia egin genion, baita lanean jarraitzeko konpromisoari eutsi ere.
Lehen esan bezala, denok KiVa osatzen dugunez, KiVa taldearen aldetik, MILA ESKER GUREKIN BATERA ELKARLANEAN ARITZEAGATIK.
KiVa Taldea: Lorea Carro, Iker Uriarte, Gorka Etxeberria eta Nagore Etxebarri
