🌟 HORTZEN MUNDUA
LH 1.mailako ikasleak ‘Gorputza’ gaia lantzen ari gara eta azkenaldian ikasle askori hortzak erori zaizkiela aprobetxatuta, hortzen mundu zirraragarrian murgildu gara.
📊 Matematikan, hortzen erorketen inguruko ikerketa egin dugu; adibidez, zenbat hortz erori zaizkigun aztertu, horren inguruko grafikoak bete eta ateratako informazioaren inguruko ondorioak atera ditugu.
🎨 Arteko saioan, gure ahoa aztertu eta bakoitzaren erretratua egin dugu. Oso ondo pasatu dugu saio horretan!
😁 Hortzak osasuntsu egoteko, nola garbitu behar diren ikasi dugu, eta haginlariaren lana zertan datzan ere aztertu dugu.
🐭 Eta hori guztia gutxi balitz, Perez sagutxoari eta Maritxu Teilatukoari beraien txokoa prestatu diegu, bertan eroritako hortzak uzteko.
