MAHI-MAHI
|
Jasangarritasuna elkarrekin bizitzeko abentura gisa ulertzen dugu: gure ingurunea ezagutzeko, errespetatzeko eta maitatzeko jakin-mina pizten duen bidea. Horregatik, garrantzitsua iruditzen zaigu kontzientzia hori txikitatik lantzea, piratek ere ulertu dezaten beren eguneroko keinuek eragina dutela eta aldaketaren parte aktibo izan daitezkeela.
Hilabete honetan piratei proposatuko dizkiegun jarduera bakoitzaren bidez, natura eta ingurunea zaintzeko modu desberdinak eskaini nahi dizkiegu. Baina, batez ere, eguneroko ekintza txikien bidez munduari forma emateko gaitasuna dutela deskubriarazi nahi diegu: ura zainduz, hondakinak murriztuz, berrerabiliz, partekatuz, entzunez eta inguruan duten bizitza baloratuz.
Hilabete honetako ekintza guztiak jasangarritasunaren kontzeptua haurrei modu hurbil, bizipenetan oinarritu eta dibertigarrian azaltzeko diseinatuta daude. Jasangarritasuna ez da soilik hitz handi bat: eskuekin, zentzumenekin, bihotzarekin eta taldean esperimentatzen den zerbait da!
Gure erronka handiena planeta zaintzea betebehar huts gisa ez ulertaraztea da, aukera magiko eta partekatu gisa baizik: piratak protagonista bihurtzen dituen aukera, orain kontzienteago bat eta itxaropenez beteriko etorkizun bat elkarrekin eraikitzeko.
Eskerrik asko bidai honen parte izateagatik.
Mahi-Mahi taldea.
