LUDOTEKA
Urtarrilaren 10etik aurrera, ludoteka-zerbitzua ipiniko dugu abian Ikastolan. Zerbitzu hori LH 3tik 6ra bitarteko ikasleei bideratuta egongo da eta eguerdiko ordutegian funtzionatuko du, 13:30etik 14:30era, hain zuzen ere.
Bertan, ohiko ludoteken antzera, ikasleek esku lanak egiteko, mahai jolasetan aritzeko, lasai solasteko eta beste ekintza berezi batzuetaz disfrutatzeko aukera izango dute.
Esperientzia hori ahalik eta aberasgarriena izateko, laguntza eske gatorkizue oraingoan. Izan ere, jostailu eta mahai jolasak bildu nahi ditugu, gure ludoteka espazioa hornitzeko. Horregatik, eta orain, Gabon garaian, gure txikiek jostailu berri ugari jasoko dituztenez, kasu handirik egiten ez dieten baina egoera onean eta erabilgarri dauden jolasak Ikastolara ekartzera animatzen zaituztegu. Ziur egon erabilera handia emango diegula eta bigarren bizitza izango dutela.
Aldez aurretik zuen prestutasuna eskertzen dizuegu. MILA ESKER!!
