Udazkena heldu da!! Hostoak firin faran dantzan daudela aprobetxatuz, 2 urte gelako haurrak, berain bila kalera atera dira. Behin gelara helduta, mahai manipulatiboetara bota eta esku artean erabili ondoren, mural dotoreak osatu dituzte. Hemen duzue laburpen txiki bat. Ikusi zeinen ondo pasatu duten naturak ematen digunarekin.
HH 4 urteko ikasleak ekainean TTANTTO gure laguna agurtu genuen, eta aurten ongi etorria eman diogu TXIRRITX lagunari. Hemen dituzue gure artistak egindako artelanak.!
Aste honetan, Andramari Zornotzako ikastolako urte 1 eta 2 ko haurrak, gelatinarekin jolasean aritu dira. Eskuekin txikitu, ahora eraman, poteak bete, hustu, lurrera bota,…Blai eginda bukatu dugu baina merezi izan du!!
Kaixo familia, Egunerokotasuneko funtzionamendua dela eta erabaki hau hartu da Haur Hezkuntzako haurrak sarrera orduan geletara nondik igo beharko diren argitzeko, Barruko patiora sartu eta bakoitzak dagokion eskailerak igo beharko ditu. Mila esker
MUNDUARI BIRAKA! HH 5 urteko ikasleak nahiz eta oporretatik oraintxe bertan etorri, munduan zehar bidaiatzen jarraitzea erabaki dugu.Horretarako bidaia agentzia bat prestatu dugu, herrialde, kultura, ohitura… ezberdinei buruzko gauza ezberdinak ikasteko asmoz. Gaia osatzeko haurrek etxetik material, jolas, liburu… ezberdinak ekartzen ari dira. Bidaiatzea pentsatuta baduzu, etorri XANGO bidaia agentziara!!!
Pasa den astearte arratsaldean, 0-9 adin tarteko Ikastolako Hezitzaile eta irakasleek Àngel Alsina irakaslearen eskutik 4 orduko formakuntza saio bat jasotzeko aukera aprobetxatu genuen. Gizon hau, matematikaren didaktikan katedraduna da eta hainbat liburu argitaratzeaz gain, Gironako Unibertsitateko irakaslea ere bada. Saioan bertan, haurrek 0-9 adin tartean garatzen duten pentsamendu matematikoaren inguruko gakoak eman zizkigun eta gaitasun hau garatzeko hainbat estrategia…
Irailean murgilduta jarraitzen dugu eta Andramari Zornotzako Ikastolako haur txikienak etxekotzeak dakartzan gora beherekin jarraitzen dute. Pozik etortzetik, triste egotera eta berriz pozik bizitzera 5 minutuko tarte batean. Gurasoen laguntza ezinbestekoa da haurren ohiturak eta izaerak ezagutzeko, behin haurrak egokituta konfiantzaz egunerokotasuna aurrera eramateko. Eta ezagutza desberdinen artean, ikastolako eremu desberdinak ikusi eta gustoko dituzten hoietan poz-pozik jolasean ibiltzen dira.
4 ETA 5 URTEKOEN IKASTURTE HASIERAKO BILERA Guraso agurgarria: Ohar honen bidez, irailaren 14an, asteazkena arratsaldeko 18.00etan 4 eta 5urtekoen ikasturte hasierako batzarra izango dela adierazi nahi dizuegu. BILERA IRAILAREN 14a, asteazkena ANDRAMARI ZORNOTZAKO IKASTOLAKO JANTOKIAN Arratsaldeko 18:00etan Agur bero bat, Asier eta Amagoia Amaia eta Iraide
IKASTURTEKO HASIERAKO BATZARRA Guraso agurgarria: Ohar honen bidez, irailaren 5an, astelehena arratsaldeko 18.00etan 3 urtekoen ikasturte hasierako batzarra izango dela adierazi nahi dizuegu. BATZARRA IRAILAREN 5a, astelehena Arratsaldeko 18:00etan ANDRAMARI ZORNOTZAKO IKASTOLAKO JANTOKIAN Agur bero bat, Olaia eta Lorena