Aste honetan zehar, prebentzioaren gaia landu dugu DBHko maila guztietan, Zornotzako Udalarekin lankidetzan antolatutako tailerren bidez. Zehatzago, lau orduko tailerrak emango dira maila bakoitzean, DBH1etik hasi eta DBH4 mailaraino, asteko egunetan zehar banatuta. Gaia, oro har, kontsumo arriskutsuen prebentzioa izango den arren, mailaren arabera ñabardurak eta berezitasunak izango dira. Izan ere, adinaren arabera agertu ohi diren kontsumoetan jarri nahi da…
LH6ko ikasleek, talde kooperatiboetan lan egiten ikasteko ariketa bat egin dute. Helburua, ahalik eta dorre handiena egitea izan da, denen ekarpenak kontuan hartuz. Dorrea egiteko ikasle guztiek material berbera izan dute: Espagetiak, zeloa, artilea eta azukrezko hodeitxoak.
Irakurketak gure seme-alaben ikaskuntza prozesuan duen garrantzia ukaezina da. Hari honi lotuz, DBHko ikasleentzako aproposak diren irakurgaien bilduma bidaltzen dizuegu hemen. Liburu bakoitzean sartu, eta haiei buruzko informazio guztia aurkituko duzue. Seguru gure seme-alabek gustokoa duten zerbait aurkitzen dutela!
Andramari Ikastolak LH4tik gora garatzen duen EKI Proiektuan alde praktikoari berebiziko garrantzia ematen dio, gure ikasleen ikas-irakaskuntza prozesuari begiratuz. Hori dela-eta, DBH1eko Gizarte Zientziak irakasgaian ikasleek benetako arkeologoek bizi dituzten esperientzia berdinak sentitzeko aukera izan dute. Eskalan egindako arkeologia-aztarnategian arakatzen ibili dira mota desberdinetako aztarnak aurkituz: erromatar garaiko idazkiak, historia-aurreko edukiontziak… eta beraiei buruzko ezaugarriak identifikatuz, zentzuzko hipotesiak planteatu dituzte.
LH6ko ikasleek elikadura tailerra egiten aritu dira, hemen duzue ekintzaren argazki batzuk. Tailer hauen bitartez, elikaduraren garrantzian murgiltzen dira, kasu honetan elikagaien jatorriarekin esperimentatu dute, elikagai zuri eta integralen ezberdintasunak aztertuz.